Dili lalim nga duha ka tuig

Pasayloa ko

Kung daw gikalimtan na tika

Apan huna-hunaa ayaw

Kay bisan man sa akong kalinga

Nagpahipi ra ikaw

Sa akong panumduman

Ug sa akong kasing-kasing.

Dalan sa Kasaysayan

Subay sa Dalan, Subay sa Kasaysayan…
sa imong pagsubay sa dalang Colon
Mao kini ang labing tukma nga mga pulong
Nga imong maingon
Kana kung ikaw naa’y oras sa pagmatikod
Bisan man lang dili sa pagpakabana

Ay, Bata!

Ang akong igsuon nilarga sa Norte kuyog iyang tibuok pamilya. Kay tingsakay man atong adlawa, akong maguwang ra’y nakalingkod ug iya lang gisabak iyang anak nga babaye samtang iyang bana ug iyang anak nga lalake namarog lang. Pipila ka gutlo ang nilabay nireklamo na intawn ang kuwatro anyos nga bata.


Francis: Mama, molingkod na ko Mama uy kay kapoy na man.

Mama: Tindog lang Dodong uy kay strong bitaw ka. Big boy na baya ka.

Francis: Unya bi kay nahurot na man akong strong!