01 June 2011

Dili lalim nga duha ka tuig

Pasayloa ko
Kung daw gikalimtan na tika
Apan huna-hunaa ayaw
Kay bisan man sa akong kalinga
Nagpahipi ra ikaw
Sa akong panumduman
Ug sa akong kasing-kasing.

23 March 2009

Dalan sa Kasaysayan

Subay sa Dalan, Subay sa Kasaysayan…
sa imong pagsubay sa dalang Colon
Mao kini ang labing tukma nga mga pulong
Nga imong maingon
Kana kung ikaw naa’y oras sa pagmatikod
Bisan man lang dili sa pagpakabana